کانگریس کی ورکنگ کمیٹی کی میٹنگ 10اگست کو ہوگی کانگریس جنرل سکریٹری کے سی وینو گوپال نے اطلاع دی انھوں نے بتایا کہ کانگریس ورکنگ کمیٹی کی میٹنگ 10اگست کو کانگریس ہیڈکوارٹر میں ہوگی ۔
ورکنگ کمیٹی کی گذشتہ میٹنگ 25 مئی کو ہوئی تھی جس میں کانگریس کے صدر راہل گاندھی نے لوک سبھا انتخابات میں پارٹی کی شکست کی ذمہ داری لیتے ہوئے عہدے سے استعفی دینے کی پیش کش کی تھی۔
کمیٹی نے اتفاق رائے راہل گاندھی کو عہدے پر برقرار رہنے کی درخواست کی تھی لیکن وہ اپنے فیصلے پر قائم ہیں اور ابھی تک کسی کو پارٹی کی ذمہ داری نہیں سونپی گئی ہے۔
کانگریس کے کارکنان کو امید ہے کہ 10 اگست کو ہونے والی میٹنگ میں پارٹی کے اگلے صدر کے بارے میں بھی غور کیا جائیگا۔
پارٹی کے کچھ رہنما کسی نوجوان قیادت کو پارٹی کی کمان سونپنے کی بات کررہے ہیں۔
