ریاست تلنگانہ میں آرٹی سی ملازمین کی جانب سے جاری ہڑتال کی حمایت میں کانگریس پارٹی کے رہنماؤں نے بیگم پیٹ پر واقع چیف منسٹر تلنگانہ کی قیام گاہ کا محاصرہ کرنے کی کوشش کی، تاہم پولیس نے کانگریس پارٹی کے بیشتر قائدین کو صبح سے ہی نظر بند کرتے ہوئے اس احتجاج کو ناکام بنادیا۔
کانگریس پارٹی کی جانب سے چیف منسٹر کے سی آر کی رہائش گاہ پر احتجاج کرنے کا اعلان کیا گیا تھا۔
جس کے پیش نظر چیف منسٹر کی قیام گاہ کو جانے والے تمام راستوں پر پولیس کا سخت بندوبست تھا، پنجہ گٹہ، خیریت آباد اور گرین لینڈ چوراہے پر پولیس کی سخت ناکہ بندی رہی۔
کانگریس پارٹی کے چند قائدین فردا فردا چیف منسٹر کی رہائش گاہ پہنچنے میں کامیاب رہے۔
مزید پڑھیں: مہاراشٹر کا تازہ رجحان: بی جے پی - شیوسینا کو واضح اکثریت
جن میں کانگریس پارٹی کے رکن پارلیمان ریونت ریڈی بھی شامل تھے، ان قائدین نے حکومت اور چیف منسٹر کے خلاف نعرے بازی کی اور آر ٹی سی ملازمین کے ساتھ انصاف کا مطالبہ کیا، تاہم پولیس کی جانب سے احتیاطی گرفتاری کے بعد قائدین رہا کردئے گئے۔
