مغربی بنگال میں کانگریس کے صدر سومن مترا نے پارٹی کی طرف سے منعقد ایک جلسے میں اس کا اعلان کیا۔
سومن مترا کا کہنا ہے کہ کانگریس پارٹی بایاں محاذ کے رہنماؤں سے رابطے میں ہیں۔
سومن مترا نے کہا کہ ریاست میں کانگریس پارٹی کافی کمزور ہے، اس لیے ترنمول اور بی جے پی کا مقابلہ کرنے کے لیے بایاں محاذ کا ساتھ ضروری ہے۔
انہوں نے کہا کہ پوجا کے بعد اس سلسلے میں عوامی طور پر تحریک چلائی جائے گی۔ اس میں یایاں محاذ بھی شامل رہے گی۔
سومن مترا نے بی جے پی کو ہدف تنقید بناتے ہوئے کہا کہ ملکی معیشت کا حال کافی خستہ ہے، جمہوریت کی روح مجروح ہو رہی ہے۔
ترنمول کانگریس کو ہدف تنقید بناتے ہوئے کہا کہ ریاست میں بدعنوانی کا بازار گرم ہے، بجلی جیسے بنیادی ضرورت کی چیزوں میں غیرمعمولی اضافہ ہو رہا ہے اور ذات و مذہب کی سیاست کو فروغ دیا جا رہا ہے۔
کٹ منی معاملے میں وزیراعلی ممتابنرجی کو ہدف تنقید بناتے ہوئے کہا کہ انھیں مالی بدعنوانی پر سزا ہونی چاہیے۔
سومن مترا نے الزام عائد کیا کہ ریاست بھر میں سرکاری راشن نظام میں بدعنوانی جاری ہے، ان بدعنوانیوں کا مقابلہ تنہا بایاں محاذ نہیں کر سکتی ہے۔
انہوں نے کہا کہ اگر کانگریس اور بایاں محاذ ساتھ ملکر انتخابات میں حصہ لیں تو اس کے خاطر خواہ تنائج برآمد ہو سکتے ہیں۔
