زروعی قوانین کے مسئلے پر کانگریس پارٹی کا احتجاج جاری ہے۔ تو وہیں کانگریس رہنما راہل گاندھی زرعی قوانین کے مسئلے کو لے کر صدر جمہوریہ سے ملنے پہنچے ہیں۔
اس دوران کانگریس پارٹی کی جانب سے آج زرعی قوانین کے خلاف مارچ نکالا گیا اور اس مارچ میں شامل پرینکا گاندھی واڈرا کو تحویل میں لے لیا گیا، تاہم بعد میں انھیں رہا کردیا گیا۔
کانگریس کے مارچ کو روکے جانے کے بعد راہل گاندھی، ادھیر رنجن چودھری اور غلام نبی آزاد نے صدر سے ملاقات کی۔
ملاقات کے بعد راہول نے کہا کہ کانگریس کسانوں کے ساتھ کھڑی ہے۔ نئے زرعی قوانین کو واپس لینا ہو گا۔
کسانوں کی آواز صدر کو پہنچا دی گئی ہے۔ زرعی قوانین کو واپس لیا جائے۔ کسانوں کی سرمایہ کاری سے دو تین افراد کو فائدہ ہو رہا ہے۔
