کانگریس نے الزام لگایا ہے کہ مرکزی حکومت نے کورونا ٹیسٹ کٹ بنانے کا کام صرف ایک کمپنی کو دیا ہے اور کورونا جانچ کی ہدایات میں لچیلا رخ اختیار کرتے ہوئے پورا ٹیسٹ کیے بغیر لوگوں کو اسپتال سے گھر بھیجنے کا فیصلہ کیس بنیاد پرکیا ہے،اس بارے میں اسے وضاحت دینی چاہئے۔
انہوں نے کہاکہ بحران کے وقت ایک ہی کمپنی کو یہ کام دینا شبہ پیدا کرتا ہے اس لئے حکومت کو بتانا چاہئے کہ کورونا ٹیسٹ کرنے کے لئے کٹ بنانے کا کام صرف احمدآباد کی کمپنی کو ہی دیا گیا ہے۔
انہوں نے کہا کہ ملک میں بہت ساری کمپنیاں ان کٹس کو بنانے کی خواہش مند ہیں لیکن حکومت نے بغیر ٹینڈر منگائے کٹ بنانے کا کام صرف ایک ہی کمپنی کو سونپا ہے جو شبہ پیدا کرتا ہے۔
ترجمان نے کہا کہ اسی طرح سے حکومت نے کورونا ٹیسٹ کے پہلے کے پیمانے کو بدل کر معمولی ٹیسٹ کے بعد لوگوں کو اسپتال سےگھر بھیجنے کافیصلہ کیا ہے جس سے مریضوں کی تعداد بڑھے گی اور آنے والے وقت میں ہندوستان کورونا کا اہم مرکز بن جائےگا۔
انہوں نے کہا کہ حکومت نے ابھی یہ نہیں بتایا کہ ہندوستان کورونا کی کس سطح پر ہے۔ حکومت کو بتانا چاہئے کہ ملک کمیونٹی انفیکشن کی سطح پر ہے یا ابھی اس سطح پر نہیں پہنچا ہے۔
