پڈوچیری میں کورونا وائرس کے 50 نئے معاملے سامنے آئے ہیں۔ محکمہ صحت نے پیر کوکووڈ کی صورت حال پر جاری ریلیز میں بتایا ہے کہ پڈوچیری علاقے سے سب سے زیادہ کورونا کے 49 نئے معاملے سامنے آئے ہیں اور ایک معاملہ کرائیکل علاقے سے آیا ہے۔
کورونا سے متاثر کم سے کم 33 مریضوں کو سرکاری میڈیکل کالج، سولہ کو جپمیر اور ایک کو کرائیکل سرکاری جنرل ہسپتال میں بھرتی کرایا گیا ہے۔
ریاست میں گزشتہ چوبیس گھنٹوں کے دوران چھیالیس مریضوں کے ٹھیک ہونے پر انہیں ہسپتال سے چھٹی دے دی گئی ہے۔ ان میں سے 37 کو سرکاری میڈیکل کالج، پانچ کو جپمیر، دو کو کووڈ کیئر سینٹر اور دو کو ماہے سرکاری ہسپتال سے چھٹی دے دی گئی ہے۔
فی الحال کورونا سے متاثر 387 مریضوں کا سرکاری میڈیکل کالج ، 123 کا جپمیر، 76 کا کووڈ کیئر سینٹر، 53 کا کرائیکل سرکاری جنرل ہسپتال، پچیس کا یانم سرکاری ہسپتال اور ایک کا ماہے سرکاری ہسپتال میں علاج کیا جارہا ہے۔
ریاست میں اب تک 1468 لوگ کورونا سے متاثر ہیں اور 785 لوگوں کو علاج کے بعد ہسپتال سے چھٹی دی جاچکی ہے اور 665 لوگوں کو مختلف سرکاری ہسپتالوں میں علاج جاری ہے۔ اس وائرس سے 18 لوگوں کی موت ہوچکی ہے۔
