وکرم لینڈر کا رابطہ ٹوٹنے کے بعد اسرو سربراہ کے سیون نے کہا کے 'وکرم لینڈر کی لینڈنگ منصوبہ بندی کے مطابق تھا لیکن چاند کی سطح سے 2.1 کلومیٹر کے قریب 'ووکرم لینڈر' سے رابطہ ختم ہو گیا فی الحال ڈیٹا کا تجزیہ کیا جا رہا ہے'۔
اسرو کے سابق سربراہ دیوی پرساد کارنک نے کہا کہ ڈیٹا کا تجزیہ کیا جا رہا ہے وکرم لینڈر تباہ ہوا ہے یا نہیں ابھی یہ کہنا قبل از وقت ہوگا۔ ہمارے پاس ابھی تک تفصیلات نہیں ہے۔ اس میں وقت لگتا ہے، لیکن ہمیں یقین نہیں ہے کہ وکرم لینڈر ناکام ہوا ہے۔
وزیر اعظم نریندر مودی نے چندریان ٹو کی لینڈنگ دیکھنے آئے طلبا سے ملاقات کی اور ان کے سوالوں کے جواب دیے، واضح رہے کہ کوئز مقابلے کے ذریعے منتخب ہو کر چندریان ٹو کی لینڈنگ دیکھنے ملک بھر سے تقریبا ساٹھ طلبا آئے تھے
صدر رام ناتھ کووند نے اپنے ٹویٹ پیغام میں کہا کہ اسرو کی پوری ٹیم نے چندرائن 2 کے مشن پر مثالی عزم اور ہمت کا مظاہرہ کیا۔ ملک کو اسرو پر فخر ہے۔ ہم سب کو بہتری کی امید ہے۔"
کانگریس کے سابق صدر راہل گاندھی نے چندریان-2 مشن پر اپنے ٹویٹ پیغام میں کہا کہ 'چندرائن 2 کے مشن پر ان کے ناقابل یقین کام کے لئے اسرو کی پوری ٹیم کو مبارکباد۔ آپ کا جنون اور لگن ہر بھارتی کے لئے ایک آپ کا کام بیکار نہیں ہے۔
اس سے قبل وزیر اعظم نریندر مودی نے اسرو کے سربراہ کے سیون کی حوصلہ افزائی کرتے نظر آئے اس دوران وزیر اعظم نریندر مودی نے سائنسدانوں سے کہا کہ 'میں ہمیشہ آپ کے ساتھ ہوں، آپ نے ملک کی بہترین خدمت کی ہے۔
وزیر خزانہ نرملا سیتا رمن نے اپنے ٹویٹ پیغام میں کہا کہ 'ہم آپ کے ساتھ ہیں، آپ خلائی میدان میں اپنی کامیابی کا مظاہرہ کرنے کے لیے قوم کو ، نوجوانوں کی ذہن سازی کرنے کے لیے سب یکجا کیا ہے، آپ کامیاب ہوں گے'۔
