پڈوچیری کے وزیراعلیٰ وی نارائن سوامی نے اعلان کیا ہے کہ مرکز کے زیر انتظام علاقہ میں دسویں جماعت کے امتحانات منسوخ کردیئے گئے ہیں اور تمام طلبہ کو اگلی جماعت میں ترقی دی جائے گی۔ یہ فیصلہ کورونا وائرس وبائی بیماری کے پیش نظر لیا گیا ہے۔
نارائن سوامی کا یہ فیصلہ تامل ناڈو کے وزیراعلیٰ ای پلانی سوامی نے ریاست میں 10 ویں اور 11 ویں کے امتحانات منسوخ کرنے کے اعلان کے بعد کیا گیا۔
نارائن سوامی نے کل کہا تھا کہ پڈوچیری دسویں جماعت میں داخلہ لینے والے طلباء کے لیے ورچوئل کلاسز کا انعقاد ممکن نہیں تھا کیونکہ دیہی علاقوں میں زیادہ تر طلباء کے پاس اسمارٹ فون نہیں ہے۔
وزیراعلیٰ نے یہ بھی کہا کہ وہ ورچوئل کلاسوں کے انعقاد میں درپیش مسائل کے بارے میں مرکزی انسانی وسائل کی ترقی کی وزارت کو خط لکھیں گے۔
انہوں نے کہا کہ دیہی طلبہ کے مفادات کا خیال رکھا جائے گا اور ان کی حکومت ایسے طلباء کے لئے کلاسوں کے انعقاد کے لئے آسان اقدامات کرے گی۔
پڈوچیری یونیورسٹی کے وائس چانسلر گُرمیت سنگھ سے بھی کہا گیا تھا کہ وہ ایچ آر ڈی وزارت کی طرف سے امتحانات کے انعقاد کے لئے ہدایت کا انتظار کریں۔
