آندھرا پردیش: زہریلی گیس کے اخراج سے 2 افراد ہلاک

آندھرا پردیش کے وشاکھاپٹنم میں گیس لیکیج کا واقعہ ایک بار پھر پیش آیا ہے، اس واقعے میں اب تک 2 افراد کے ہلاک ہونے کی اطلاع ہے، جبکہ چار دیگر افراد کے زخمی ہونے کی بھی اطلاع ہے۔

رپورٹ کے مطابق گیس لیکیج کا یہ واقعہ پرودا میں واقع جواہر لال نہرو فارما سٹی میں پیش آیا ہے، 29 جون کی دیر رات سانر لائف سائنسز پرائیویٹ لمیٹیڈ نامی کمپنی سے بانزی میڈیزول نام کی زہلی گیس کا اخراج ہوگیا۔

کمپنی میں کام کررہے ملازمیں میں سے چھ ملازم اس کی زد میں آگئے، ان میں سے دو کی ہلاکت ہوگئی جبکہ چار دیگر زخمی ہیں جن کا علاج چل رہا ہے۔

آپ کو بتا دیں کہ کچھ روز قبل بھی وشاکھا پٹنم میں رات کے وقت میں ہی گیس لیکیج کا سانحہ پیش آیا تھا جس میں درجنوں افراد ہلاک ہوگئے تھے۔ اس واقعے کی جانچ اب بھی جاری ہے۔