اتر پردیش کے نوئیڈا میں جعل سازی کے شکار نوجوانوں کا الزام ہے کہ ملزم انہیں دھمکی دیتے تھے کہ تم لوگوں کا تعلق اعظم گڑھ سے ہے تمہیں دہشت گرد ثابت کردیں گے ہمارا پولیس بھی کچھ نہیں بگاڑ سکتی۔
لہذا پاسپورٹ اور پیسے بھول جاؤ، جس سے بعض نوجوان خوفزدہ ہوگئے اور اپنے گھروں کو چلے گئے۔ ان کی شکایات پر سیکٹر 20 تھانے میں سیف اللہ خان، مہتاب خان عرف شاہ عالم، یاسین انصاری اور محمد رافع خان پر دھوکہ دہی سمیت مختلف دفعات میں مقدمہ درج کرلیا گیا ہے۔
اعظم گڑھ کے محمداسرار کا کہنا ہے ہے کہ جعل سازوں نے انہیں کینیا اور کویت میں ملازمت دلانے کے نام پر 80 80 ہزار روپے لیے ہیں۔ ملزمان نے ان سے ویزا اور فلائٹ کا ٹکٹ دینے کا وعدہ کیا تھا۔
انہوں نے اعظم گڑھ والوں کی فلائٹ دہلی سے اور گورکھپور والوں کی فلائٹ بمبئی سے بتائیں، لیکن جب فلائٹ کے دوران کوئی نہیں پہنچا تو نوجوان بعد ازاں نوئیڈا سیکٹر 3 اے 15 کے دفتر پہنچے تو وہاں تالا لٹکا ہوا تھا۔
جعل سازی کا شکار ہونے والوں میں 60 کا تعلق اعظم گڑھ سے ہے باقی گورکھپور سے ہیں۔ ملزمین نے دہلی کے گوند پوری میں بھی ایک دفتر کھول رکھا تھا۔ وہاں سے بھی ویزہ دینا تھا لیکن جب لوگ وہاں پہنچے تو دفتر بند تھا ۔
