چندریان۔2 کے آربیٹر سے لینڈر کو کامیابی کے ساتھ الگ کردیا گیا ہے، یہ لینڈر سات ستمبر کو چاند پر اترے گا۔
اس تعلق سے اسرو نے کہا ہے کہ' یہ عمل آج دوپہر 12 بج کر 45 منٹ پر شروع کیا گیا اور ایک بج کر 15 منٹ پر آربیٹر سے الگ ہوگیا۔
لینڈر اب سات ستمبر کو چاند کے جنوبی حصے میں رات میں ایک بج کر 55 منٹ پر اترے گا۔ لینڈر کے چاند کی سطح پر اتر جانے کے بعد اس کے اندر موجود 'پرگیان' نام کا روور باہر نکلے گا جو پہیوں والی ایک مشین ہے۔
پرگیان چاند کی سطح پر اپنی سائنسی تحقیق کو انجام دے گا۔
اسرو جے سائنسدانوں کے مطابق چاند پر چندریان۔2 کی سافٹ لینڈنگ ہی سب سے مشکل مرحلہ ہے۔
اگر یہاں سب کچھ ٹھیک رہے گا تو امریکہ، روس اور چین کے بعد بھارت چاند پر سافٹ لینڈنگ کرنے والا دنیا کا چوتھا ملک بن جائے گا۔
