انہوں نے کہا کہ وزیراعظم کو جواب دینا چاہیے کہ پلوامہ حملے میں ہلاک ہوئے سی آر پی ایف اہلکاروں کا ذمہ دار کون ہے؟ وزیر اعظم تو اس وقت شوٹنگ کرنے میں مصروف تھے، بی جے پی کب ان سے استعفی کب لے گی؟
انہوں نے مزید کہا کہ بی جے پی رہنماؤں کو ملک کی عوام کے جذبات سے کھیلنا بند کرنا چاہیے، بھارتی فوج کو مودی نے تیار نہیں تیار کیا ہے بلکہ ہمارے جوان اور افسران کی کئی برسوں کی محنت کا نتیجہ ہے کہ وہ فوج میں ہے۔
بگھیل نے بی جے پی کے قومی صدر امت شاہ پر طنز کرتے ہوئے کہا کہ امت شاہ کہہ رہے کہ ایئر اسٹرائیک میں 250 شدت پسند مارے گئے جبکہ بی جے پی کے دوسرے رہنماؤں کا کہنا ہے کہ 300 مارے گئے، ہم اسٹرائیک پر سوال نہیں اٹھا رہے ہیں، ایئر چیف نے کہا کہ آئی اے ایف نے اپنا کام کیا، انہوں نے مرنے والوں کی گنتی نہیں کی، بی جے پی کو بتانا چاہیے کہ وہ کس بنیاد پر ان اعداد و شمار کا دعوی کررہے ہیں۔
واضح رہے کہ بی جے پی کے صدر امت شاہ نے گذشتہ 3 فروری کو گجرات کی ایک ریلی میں دوران خطاب کہا تھا کہ فضائی حملے میں 250 دہشت گرد مارے گئے ہیں۔ جبکہ انہیں کے پارٹی کے کئی دیگر رہنما الگ الگ تعداد بتا رہے ہیں۔
