حکومت ہند پیر کے روز کالعدم باغی تنظیم نیشنل ڈیموکریٹک فرنٹ آف بوڈولینڈ (این ڈی ایف بی) کے تمام دھڑوں کے ساتھ معاہدے پر دستخط کرنے کے لئے تیار ہے۔ اس معاہدے سے بوڈوس کو سیاسی اور معاشی فوائد حاصل ہوں گے۔
وزارت داخلہ کی جانب سے اس سلسلہ میں جلد ہی ایک پریس کانفرنس کا انعقاد کیا جائے گا جس میں وزیر داخلہ امیت شاہ اور این ڈی بی ایف کے نمائندے اور حکوت آسام ایک معاہدہ پر دستخط کریں گے۔ وزیر اعلی آسام سربانند سونیوال بھی اس معاہدہ پر دستخط کریں گے۔ توقع کی جارہی ہے کہ مرکزی حکومت برادری کے لئے بڑے پیمانے پر سیاسی اور معاشی پیکیج مہیا کرے گی۔
حکومت نے یہ بھی واضح کر دیا ہے کہ مرکز ، ریاست بوڈولینڈ کے علاقائی ضلع کو ایک مرکز کے زیر انتظام خطہ نہیں بنائے گا۔ وزیر داخلہ امت شاہ اور برو مہاجرین کے نمائندوں نے 16 جنوری کو برو مہاجرین کے دیرینہ بحران کا خاتمہ کرنے اور تریپورہ کے وزیر اعلی بپلب کمار دیب اور میزورم کے وزیراعلیٰ زورتمنگا کی موجودگی میں تری پورہ میں ان کی آبادکاری کے معاہدے پر دستخط کیے تھے۔
امیت شاہ نے ایک معاہدہ پر دستخط کے بعد کہا کہ وزیر اعظم نریندر مودی کی قیادت میں شمال مشرق کے تمام معاملات حل ہو رہے ہیں۔ ایک ایسے ہی اقدام میں تقریباً 30 ہزار برو مہاجرین کو تریپورہ میں بسایا جائے گا جس کے لیے 600 کروڑ کا پیاکیج بھی مہیا کیا گیا ہے۔
مرکز نے کہا کہ برو مہاجرین جنہیں تریپورہ میں بسایا جائے گا انہیں ایک 30 بٹہ 40 فٹ کا پلاٹ اور چار لاکھ روپئے فکسڈ ڈپازٹ اور دو سال تک پانچ ہزار روپیہ مہینے دیا جائے گا اس کے علاوہ مفت راشن بھی دیا جائے گا۔
