صحت اور کنبہ بہبود کی مرکزی وزارت نے ان 10 ریاستوں میں مرکزی ٹیمیں تعینات کرنے کا فیصلہ کیا ہے جہاں کوویڈ۔ 19 کے معاملے زیادہ دیکھے گئے ہیں۔
یہ ٹیمیں کوویڈ۔ 19 کے قہر سے نمٹنے میں متعلقہ ریاستوں کے محکمہ صحت کی مدد کریں گی۔ان ٹیموں میں صحت اور کنبہ بہبود کی وزارت کے ایک سینئر، ایک جوائنٹ سکریٹری سطح کے نوڈل افسر اور عوامی صحت کے ماہر شامل ہیں۔
یہ ٹیم متعلقہ ریاستوں کے اضلاع/ شہروں کے اندر متاثرہ علاقوں میں روک تھام کی کوششیں عمل میں لانے میں ریاست کے محکمہ صحت کی مدد کریں گی۔
یہ ٹیمیں گجرات، تمل ناڈو، اتر پردیش، دہلی، راجستھان، مدھیہ پردیش، پنجاب، مغربی بنگال، آندھرا پردیش اور تلنگانہ بھیجی جائیں گی۔یہ عوامی صحت کے ماہرین کی ان 20 مرکزی ٹیموں کے علاوہ ہیں، جو زیادہ معاملوں والے اضلاع میں پہلے بھیجی گئی تھیں۔ حال ہی میں ایک اعلی سطحی ٹیم کو ممبئی میں تعینات کیا گیا تھا تاکہ کوویڈ۔ 19 سے نمٹنے کے لئے تیاری اور انتظام میں ریاست کی کوششوں میں کی جاسکے۔
