ای ڈی کی ٹیم آج کانگریس کے سینئر رہنما احمد پٹیل سے انفورسمنٹ ڈائریکٹوریٹ (ای ڈی) نے ان کے گھر پر پوچھ گچھ کی اور 14،500 کروڑ روپے کے اسٹرلنگ بائیوٹیک کیس کے سلسلے میں پی ایم ایل اے کے تحت ان کا بیان ریکارڈ کیا۔
ای ڈی کی ٹیم کے جانے کے بعد احمد پٹیل نے کہا کہ ' مودی جی اور امت شاہ جی کے مہمان آئے تھے، انہوں نے مجھ سے سوالات کئے، میں نے ان کے جوابات دیئے اور وہ چلے گئے۔
احمد پٹیل نے کہا کہ 'سرحد پر چینی افواج نے بھارت کے 20 جوانوں کو ہلاک کر دیا اور مرکزی حکومت ان سے لڑنے کی بجائے اپوزیشن سے لڑ رہی ہے۔
انہوں نے طنزیہ لہجے میں کہا کہ 'آج پورے ملک میں کورونا وائرس کا خوف ہے، بیروزگاری میں مسلسل اضافہ ہورہا ہے، ملک میں غریبی کے خلاف لڑنا چہایے لیکن مودی حکومت حزب اختلاف کے خلاف لڑ رہی ہے۔
واضح رہے کہ احمد پٹیل سے انفورسمنٹ ڈائریکٹوریٹ (ای ڈی) نے ان کے گھر پر پوچھ گچھ کی اور 14،500 کروڑ روپے کے اسٹرلنگ بائیوٹیک کیس کے سلسلے میں پی ایم ایل اے کے تحت ان کا بیان ریکارڈ کیا۔
ای ڈی کی تین رکنی ٹیم آج احمد پٹیل کی سرکاری رہائش گاہ پر پہنچی تھی اور تفصیلی پوچھ تاچھ کی۔
کانگریس رہنما کا بیان منی لانڈرنگ کی روک تھام ایکٹ (پی ایم ایل اے) کے تحت درج کیا گیا کیونکہ اسٹرلنگ بائیوٹیک کیس کے اہم ملزم، سندیسرا برادران کے ساتھ ان کے مبینہ روابط زیر تفتیش ہیں۔
قبل ازیں دو مواقع پر ایجنسی نے انہیں(احمد پٹیل) کو طلب کیا تھا لیکن انہوں نے کورونا وائرس اور لاک ڈاؤن کی گائیڈ لائنز حوالہ دیتے ہوئے کہ سینیئر شہریوں کو وبائی امراض سے محفوظ رہنے کے لیے گھر کے اندر رہنے کا مشورہ دیا جس کے بعد ای ڈی کی ٹیم ان گھر پر پوچھ تاچھ کے لیے پہنچی۔
