یہ دہلی کے مشرقی علاقوں کے ساتھ ساتھ پورے ملک میں منعقد کئے جائیں گے۔
سی بی ایس سی کے مطابق یہ امتحانات یکم جولائی سے 15جولائی تک ہوں گے۔امتحان کا وقت 10:30سے 1:30تک ہوگا۔
اس میں بھی دسویں بورڈ کے طلباء کی طرح ماسک اور سینیٹائزر کے ساتھ جانا ہوگا۔
اس کے علاوہ انہیں سماجی دوری کا بھی خیال رکھنا ہوگا،اور یہ یقینی بنانا والدین اور ذمہ داران کا کام ہوگا کہ ان کے بچے بیمار نہ ہوں۔
بورڈ کے مطابق یکم جولائی کو ہوم سائنس،دو جولائی کو ہندی(ایلیکٹیو) وہندی (کور) ، 3 جولائی کو صرف دہلی کے مشرقی حصے میں فزکس ، اکاؤنٹنسی اور کیمسٹری کے پیپرزہوں گے۔
جب کہ 7 جولائی کو پورے ملک میں انفارمیٹکس (پریکٹیکل) ، کمپیوٹر سائنس (اولڈ) ، کمپیوٹر سائنس ( نیو) اور انفارمیشن ٹکنالوجی کے ہوں گے۔
وہیں 8جولائی کو صرف دہلی کے مشرقی علاقہ میں انگلش الیکٹیو(این)انگلش الیکٹیو(سی)اور انگلش -کور کے پیپر ہوں گے جبکہ 9جولائی کو بزنس اسٹڈیز،10کو بایوٹیکنولوجی،11جولائی کو جغرافیہ اور13کو سوشیالوجی کے پیپرزہوں گے۔
جب کہ 14جولائی کوصرف مشرقی دہلی میں پولیٹیکل سائنس کے پیپر ہوں گے،15جولائی کو دہلی کے مشرقی علاقہ میں میتھ،اکنامکس،تاریخ اور بایو لوجی کے پیپرز ہوں گے۔
