کرناٹک کانگریس کے ریاستی صدر ڈی کے شیو کمار کی رہائش گاہ پر مرکزی جانچ ایجنسی (سی بی آئی) نے پیر کی صبح چھاپے ماری کی ہے، مبینہ بدعنوانی کے الزام میں یہ چھاپے ماری کی گئی ہے۔
عہدیداروں نے اطلاع دی ہے کہ انفورسمنٹ ڈائریکٹوریٹ ٹیکس چوری کے الزامات پر محکمہ انکم ٹیکس کی کارروائی کی بنیاد پر منی لانڈرنگ کیس کی تحقیقات کر رہا ہے۔اس دوران انھیں کچھ ان پٹ ملے تھے جو اس نے گذشتہ برس سی بی آئی کو بھیج دییے تھے۔
سی بی آئی نے اب اس ان پٹ کی بنیاد پر یہ نیا مقدمہ درج کیا ہے، جس کے تحت ڈی کے کمار کی رہائش گاہ پر چھاپے مارے گئے ہیں۔
یہ بھی پڑھیں: سعودی عرب میں ترک اشیا کے بائیکاٹ کا اعلان
سی بی آئی کی اس کارروائی پر سابق وزیر اعلی اور کانگریس کے رہنما سدارمیا نے بھارتیہ جنتا پارٹی پر انتقام کی سیاست کرنے کا الزام عائد کیا ہے، پیر کو ایک ٹویٹ میں وہ لکھتے ہیں 'بی جے پی ہمیشہ ہی سیاست کو تبدیل کرنے اور لوگوں کو گمراہ کرنے کی کوشش کرتی رہی ہے، ڈی کے شیوا کمار کے گھر پر سی بی آئی کا چھاپہ ہمارے ضمنی انتخابات کی تیاریوں میں خلل ڈالنے کے لیے کیا جارہا ہے، میں اس کی شدید مذمت کرتا ہوں۔'
واضح رہے کہ سی بی آئی اس معاملے میں کرناٹک اور ممبئی اور کچھ دیگر 14 مقامات پر چھاپے مار رہی ہے۔ اس میں ڈی کے شیوکمار ان کے افراد خانہ سمیت ان کے ساتھیوں کی رہائش گاہیں شامل ہیں۔
