کورونا وائرس (کووڈ-19) کی عالمگیر وبا کی وجہ سے لاک ڈاون کے بعد زندگی کا ہر شعبہ متاثر ہوا ہے اور کئی لوگوں کے کاروبار بند ہوگئے ہیں۔
اسی دوران ایک بڑاطبقہ بے روزگار ہو گیا ہے۔ تاہم حکومت ایکے کے بعد دیگرے معاشی سرگرمیوں کو شروع کر رہی ہے۔ تاکہ دوبارہ حالات بحال ہو اور ملک کی معیشت میں سدھار آئے۔
گلبرگہ شہر کی قدیم سوپر مارکٹ شروع ہو کر کئی دن ہوچکے ہیں، لیکن اب بھی صارفین یہاں آنے اور خریداری سے کترا رہے ہیں۔
اس مارکٹ میں کورونا اور لاک ڈاؤن سے قبل لوگوں کا ہجوم رہتا تھا۔ اب اس طرح کا ہجوم نظر نہیں آرہا ہے۔
اسی ضمن میں یہاں کے دکانداروں نے ای ٹی وی بھارت کو بتایا ہے کہ 'سوپرمارکیٹ میں پہلے جو کاربار ہو تا تھا، اب اس طرح کا کاروبار نہیں ہورہا ہے'۔
ایک دوکاندار نے بتایا ہے کہ 'عوام کے پاس روزگار نہیں ہے اور یہاں کی لوکل ٹرین بھی بند ہے۔ جس سے ملازمت پیشہ افراد اور دیگر کاروباریوں کو مشکلات پیش آرہی ہیں'۔
واضح رہے کہ گلبرگہ کا ایک بڑا طبقہ کاروبار کے لئے حیدرآباد اور دیگر علاقوں پر انحصار کرتا ہے۔ لاک ڈاؤن کے بعد سے تاحال یہ طبقہ بھی معاشی مشکلات میں مبتلا ہے۔
سوپر مارکٹ کے دکانداروں نے حکومت سے مطالبہ کیا ہے کہ تجارتی سرگرمیوں کی مکمل بحالی کے لیے عملی اقدامات کریں۔
