مشرقی افریقی ملک برونڈی کے تجارتی دارالحکومت بوجومبورا میں سیلاب آنے کی وجہ سے کم از کم 12 افراد کی موت ہوگئی، جبکہ 30 سے زیادہ زخمی ہوگئے ہیں۔
برونڈی کے پبلک سکیورٹی اور قدرتی آفات کے محکمے کے سینیئر افسر ایلن گولیم بنیونی نے اتوار کو ایک پریس کانفرنس میں یہ اطلاع دی۔
مسٹر بنیونی کے مطابق سیلاب کی وجہ سے کئی گھروں کو شدید نقصان پہنچا ہے۔
واضح رہے کہ ملک کے تجارتی دارالحکومت کے ونٹریکوا علاقے میں ہفتے کی رات سے ہی مسلسل شدید بارش ہورہی ہے۔
خیال رہے کہ مسلسل بارش کی وجہ سے ندیوں کی آبی سطح میں اضافہ ہوگیا ہے اور اس کا پانی گاؤں میں گھس گیا ہے۔
اقوام متحدہ کی ایک رپورٹ کے مطابق رواں برس دسمبر میں مشرقی افریقہ میں سیلاب کی وجہ سے کم از کم 280 لوگوں کی موت ہوچکی ہے اور 28 لاکھ سے زیادہ لوگ اس کی وجہ سے متاثر ہوئے ہیں۔
اطلاعات کے مطابق اقوام متحدہ کی انسانی حقوق کی ایجنسی کی جاری کردہ رپورٹ کے مطابق، مشرقی افریقہ میں غیر معمولی طور پر شدید بارشوں اور سیلاب سے کم از کم 280 افراد ہلاک اور 2 لاکھ 80 ہزار سے زیادہ متاثر ہوئے ہیں۔
یاد رہے کہ سب سے زیادہ متاثرہ علاقوں میں مکانات، اور روزگار کو نقصان پہنچا ہے، اور ہیضے، بخار سمیت دیگر بیماریوں کا خطرہ بڑھتا جارہا ہے۔
