بامبے اسٹاک ایکسچینج میں آج زبردست اچھال آیا اور بی ایس ای ایک بار پھر 39 ہزار نشانات کو پار کرگیا اور 39,055 کر پہنچ کر بند ہوا جو کہ 1.27 فیصد ہے۔
وہیں نفٹی 50 بھی 1.30 فیصد اضافہ کے ساتھ 150 پوانٹس اوپر پہنچ کر 11,726 پر بند ہوا۔
بی ایس ای انڈیکس میں فائدہ حاصل کرنے والی کمپنیوں میں 23 کمپنیاں بشمول ایچ سی ایل ٹیک انڈس لینڈ بینک، او این جی سی ، بھارتی ایر ٹیل، یس بینک، ایچ ڈی ایف سی کے علاوہ ریلائنس انڈسٹریز شامل ہیں۔جن کا مجموعی اضافہ 3.45 فیصد ہے۔
دوسری طرف نفٹی میں ففٹی آٹو کے علاوہ تمام ذیلی کمپنیوں نے منافع کمایا جو 1.54 فیصد ہے۔ تاجروں کے مطابق بازار میں مثبت رجحان دیکھا گیا جس کی وجہ خام تیل کی قیموں میں کمی ہے۔
دریں اثناء غیر ملکی سرمایہ کار اداروں نے 237.47 کروڑ کے اثاثے فروخت کردئے جبکہ مقامی سرمایہ دار اداروں نے 198.35 کروڑ کے اثاثے خریدے۔
