گوداوری کشتی سانحہ میں پیر کے روز امدادی کارروائی کے لیے دو ہیلی کاپٹرز اور آٹھ کشتیوں کو تعینات کیا گیا ہے۔ اس حادثے میں تا حال 12 افراد کی لاش کو برآمد کرلیا گیا ہے۔
آندھراپردیش کے وزیراعلی کے دفتر کے مطابق آج صبح تقریبا چھ بجے ہیلی کاپٹرز کو امدادی کارروائی کے لیے تعینات کیا گیا ہے۔
کشتی پلٹ جانے سے تاحال 24 افراد لاپتہ ہیں، جبکہ 27 سیاحوں کو بچا لیا گیا ہے۔ ہلاکتوں کی تعداد میں اضافہ کا خدشہ ہے۔
آندھراپردیش کے وزیراعلی جگن موہن ریڈی نے ہلاک ہونے والوں کے اہل خانہ کے لیے 10۔10 لاکھ روپے کے معاوضے کا اعلان کیا ہے اور اس سانحہ پر متعلقہ حکام سے تفصیلی رپورٹ کا مطالبہ کیا ہے۔
حکام کے مطابق 1964میں دریائے گوداوری کے اسی علاقہ میں ایسا ہی کشتی کاسانحہ پیش آیا تھا۔ 2009 میں بھی ایسا واقعہ پیش آیا تھا۔ پہلے واقعہ میں 60 افراد ہلاک ہوگئے تھے، جبکہ دوسرے واقعہ میں 8 افراد غرق ہوگئے تھے۔عہدیدار ہنوز اس بات کی تصدیق نہیں کرپارہے ہیں کہ کتنے لوگ مزیدغرق ہیں۔
