مسٹر سدھارتھ نے جمعرات کو بدرپور اسمبلی حلقہ کے مولڑبند توسیع میں منعقدہ ایک پروگرام میں پارٹی کارکنوں سے اپیل کی کہ وہ کورونا متاثرین کی خدمت میں مضبوطی سے لگے رہیں۔ انہوں نے کہاکہ کورونا متاثرین اور غریب کنبوں کے درمیان کاڑا، سینی ٹائزر اور ماسک کی تقسیم جاری رہنی چاہئے۔
جب تک اس وباپر قابو پانے کے لئے ویکسین نہیں آجاتی، تب تک احتیاط ہی اس سے بچنے کا واحد راستہ ہے۔انہوں نے کہاکہ وزیراعظم نریندر مودی نے بھی کہا ہے کہ کورونا سے بچاو کے لئے دو گزکی دوری ضروری ہے اور اسی طرح کاڑا، سینی ٹائزر اور ماسک کا استعمال بھی ضروری ہے۔
انہوں نے اس موقع پر مقامی لوگوں کو کورونا سے بچاو کے لئے کاڑا، سینی ٹائزر اور ماسک تقسیم کئے۔ اس موقع پر دہلی اسمبلی میں اپوزیشن کے لیڈر رام ویر سنگھ بدھوڑی بھی ان کے ساتھ تھے۔ اس موقع پر مسٹر سدھارتھ نے مسٹر بدھوڑی کے ایم ایل اے دفتر کا افتتاح بھی کیا۔ پروگرام میں پارٹی عہدیداران اور کارکن و مقامی لوگ موجود تھے۔
