راجیہ سبھا امیدوار کے لیے بی جے پی نے جاری کی دوسری فہرست

بی جے پی نے راجیہ سبھا انتخاب کے پیش نظر اپنے امیدواروں کی دوسری فہرست آج جاری کر دی ہے۔ اس میں ہریانہ سے دو، ہماچل پردیش سے ایک، مدھیہ پردیش سے ایک اور مہاراشٹر سے ایک امیدوار کے نام کا اعلان کیا گیا ہے۔

بی جے پی نے ہریانہ سے رام چندر جھانگڑا اور دشینت کمار گوتم کو پارٹی کا امیدوار بنایا ہے تو وہیں ہماچل پردیش سے اندو گوسوامی، مدھیہ پردیش سے ڈاکٹر سمیر سنگھ سولنکی، جبکہ مہاراشٹر سے بھگوت کراڈ کا نام فہرست میں شامل کیا گیا ہے۔ اس کے علاوہ بی جے پی نے مہاراشٹر قانون ساز کونسل کے ضمنی انتخاب کے لئے بھی اپنے امیدوار کے طور پر امریش بھائی رسکلال پٹیل کے نام کا اعلان کیا ہے۔

واضح ہو کہ اس کے قبل بی جے پی نے راجیہ سبھا انتخاب کے تحت اپنے نو اور بی جے پی کی حلیف جماعت کے دو امیدواروں کی فہرست جاری کی تھی، جسمیں مدھیہ پردیش سے کانگریس چھوڑ کر بی جے پی میں شامل ہونے والے رہنما جیوتیرادتیہ سندھیا کا نام بھی شامل تھا۔