کرناٹک سے بی جے پی کے رکن پارلیمان اننت کمار ہیگڑے نے مہاتما گاندھی پرمتنازع بیان تھا جس کے بعد ان پر سخت نکتہ چینی کی گئی تھی۔ اب انہوں نے اپنے بیان پر وضاحت پیش کرتے ہوئے کہا کہ 'انہوں نے بابائے قوم مہاتما گاندھی پر کسی بھی طرح کا کوئی متنازع بیان نہیں دیا ہے۔'
ہیگڑے نے اس پورے تنازع پر وضاحت پیش کرتے ہوئے کہا کہ 'تمام متعلقہ میڈیا رپورٹز جھوٹی ہیں، میں نے کبھی وہ نہیں کہا، جس پر بحث ہو رہی ہے، یہ ایک غیر ضروری تنازع ہے۔ اگر کوئی میری تقریر کو دیکھنا چاہتا ہے تو وہ پبلک ڈومین میں ہے'۔
انہوں نے مزید کہا کہ 'میری ویڈیو آن لائن ہے اور وہ میری ویب سائٹ پر بھی موجود ہے، میں نے مہاتما گاندھی اور پنڈت نہرو کے خلاف کبھی کوئی لفظ نہیں کہا، میں صرف ہماری آزادی کی جدوجہد کے بارے میں گفتگو کر رہا تھا۔ میں یکم فروری 2020 کو اپنے بیان کی ذمہ داری قبول کرتا ہوں'۔
'میں نے کسی سیاسی پارٹی، مہاتما گاندھی یا کسی اور کا ذکر نہیں کیا، میں نے صرف آزادی کی درجہ بندی کرنے کی کوشش کی تھی'۔
واضح رہے کہ گزشتہ روز اننت کمار ہیگڑے کا ایک بیان سامنے آیا تھا، ہیگڑے نے اپنے بیان میں کہا تھا کہ 'آزادی کے لیے گاندھی کی جدوجہد ایک ڈرامہ تھا'۔
