بہار میں ہونے والے اسمبلی انتخابات کے لیے بی جے پی نے بہار اسمبلی میں حزب مخالف کے رہنما اور راشٹریہ جنتا دل کے سربراہ تیجسوی یادو کو راگھو پور نشست پر شکست دینے کے لیے کمر بستہ ہو گئی ہے، اور منصوبہ بندی کررہی ہے، بی جے پی کے رہنماؤں کا خیال ہے کہ این ڈی اے اتحاد بہار اسمبلی انتکابات میں وزیر اعظم نریندر مودی اور وزیر اعلی نتیش کمار کے نام پر زبردست فتح درج کرسکتی ہے۔
آر جے ڈی کے رہنما تیجسوی یادو 'عظیم اتحاد' سے وزیر اعلی کے امیدوار ہیں۔ اور راگھوپوراسمبلی حلقے سے انتخابی میدان میں ہیں، وہیں این ڈی اے کی جانب سے اس نشست پر بی جے پی کا امیدوار ہوگا، کیوں کہ اتحادی جماعت جے ڈی یو کے ساتھ سیٹ شیئرنگ کے بعد بی جے پی کے حصے میں راگھو پور کی نشست آئی ہے، حالانکہ بی جے پی نے ابھی تک اس نشست سے اپنے امیدوار کے حتمی نام کا اعلان نہیں کیا ہے۔
اپنا نام ظاہر نہ کرنے کی شرط پر بہار سے تعلق رکھنے والے بی جے پی کے ایک سینئر رہنما نے بتایا کہ ویشالی ضلع کے راگھو پور اسمبلی حلقے سے تیجسوی کی شکست کو یقینی بنانے کے لیے حکمت عملی تیار کی گئی ہے، جہاں سے وہ موجودہ رکن اسمبلی بھی ہیں۔
'بہار بی جے پی کے درجنوں کارکنان نے راگھو پور اسمبلی حلقے میں زمینی سطح پردن رات کام کیا ہے۔ وہ ذات پات کے مساوات پر بھی کام کر رہے ہیں، اور امکانات کو بڑھانے کے لیے بوتھ پر موجود کارکنان سے رائے لے رہے ہیں۔ انہوں نے کہا کہ آر جے ڈی کے اعلی رہنما ناقابل تسخیر نہیں ہیں۔ اگر بی جے پی کے کارکن سخت محنت کرتے ہیں تو یقینا تیجسوی کو آئندہ انتخابات میں دشوریوں کا سامنا کرنا پڑے گا۔
ذرائع سے ملی اطلاعات کے مطابق انہوں نے مزید کہا کہ گزشتہ برس ہونے والے عام انتخابات میں، آر جے ڈی کو راگھو پور اسمبلی حلقے میں محض 242 ووٹوں کی برتری حاصل ہوئی تھی۔ جبکہ 2010 کے اسمبلی انتخابات میں تیجسوی کی والدہ اور آر جے ڈی کے سینئر رہنما رابڑی دیوی کو بھی اس نشست پر جے ڈی یو کے اس وقت کے امیدوار ستیش کمار نے شکست دی تھی۔ اور بی جے پی کو امید ہے کہ وہ آئندہ انتخابات میں اپنی کارکردگی کو دہرائے گی۔
یہ بھی پڑھیں:بہار انتخابات: گپتیشور پانڈے کو جے ڈی یو نے ٹکٹ نہیں دیا
بی جے پی رہنماؤں کا خیال ہے کہ این ڈی اے آئندہ اسمبلی انتخابات میں وزیر اعظم نریندر مودی اور وزیر اعلی نتیش کمار کی ریاستی قیادت کے نام پر زبردست فتح درج کرسکتی ہے۔
جے ڈی یو کو 122 اور بی جے پی کو بہار اسمبلی انتخابات کے لیے 121 نشستیں ملی ہیں۔ جے ڈی یو نے اپنی 122 نشستوں سے جیتن رام مانجھی کی زیرقیادت ایچ اے ایم کو سات نشستیں دی ہیں جبکہ بی جے پی نے اپنے حصے کے 121 نشستوں میں سے وکاس شیل انسان پارٹی (وی آئی پی) کو 11 نشستیں دی ہیں۔
بہار کی 241 اسمبلی نشسوں پر مرحلے میں انتخابات منعقد ہوں گے، پہلے مرحلے کے لیے 28 اکتوبر کو دوسرے مرحلے کے لیے 3 نومبر کو جبکہ آخری مرحلے کے لیے سات نومبر کو ووٹ ڈالے جائیں گے، اور دس نومبر کو نتائج کا اعلان کیا جائے گا۔
