بنگلور کے کمشنر آف پولیس کمل پنت نے بتایا کہ 'ڈی جے ہلی اور کے جی ہلی پولیس اسٹیشن کی حدود کے تحت علاقوں میں امن کی برقراری کے لیے فوجداری ضابطہ (سی آر پی سی) کے سیکشن 144 کے نفاذ کا اطلاق 15 اگست کی صبح 6 بجے تک کیا گیا ہے۔
بنگلور پولیس نے کانگریس کے ایم ایل اے سرینواس مورتی کے بھتیجے نوین کو سوشل میڈیا پر ایک توہین آمیز پوسٹ شیئر کرنے پر گرفتار کیا ہے۔ بتایا جارہا ہے کہ اسی پوسٹ کے سبب منگل کی رات کو پلوکشی نگر میں کشیدگی پیدا ہوئی۔
دفعہ 144 کے تحت ایک جگہ پر چار یا زیادہ لوگوں کے جمع ہونے سے منع کیا گیا ہے۔
کرناٹک کے وزیر داخلہ بساوراج بومائی نے کہا کہ 'بنگلور میں منگل کو ہونے والی کشیدگی کی ایک ضلعی مجسٹریٹ انکوائری کرے گی اور کہا ہے کہ اب تک 146 افراد کو گرفتار کیا جاچکا ہے'۔
بومائی نے کہا ہے کہ 'وزیراعلی سے سینئر عہدیداروں کے ساتھ ایک اجلاس میں فیصلہ کیا گیا ہے کہ ضلعی مجسٹریٹ نیشنل ہیومن رائٹس کمیشن کی ہدایت کے مطابق اس واقعے کی تحقیقات کریں گے'۔
اطلاع کے مطابق گرفتار افراد پر آتش زنی، پتھراؤ اور پولیس پر حملہ کرنے کا الزام عائد کیا گیا ہے۔
پولیس نے بتایا کہ 'ملزم نوین کو مبینہ طور پر سوشل میڈیا پر توہین آمیز اور مذہبی جذبات کو ٹھیس پہنچانے والے مواد کو شیئر کرنے کے الزام میں گرفتار کیا گیا ہے۔
بتایا جارہا ہے کہ کشیدگی کے دوران کانگریس کے ایم ایل اے اکھنڈا سرینواس مورتی کے گھر کے رہائشیوں پر بھی حملہ کیا گیا۔
- مزید پڑھیں: بنگلور: مسلمانوں نے کیسے کی مندر کی حفاظت؟
بدھ کے روز ہی سے پورے بنگلور شہر میں دفعہ 144 نافذ کردی گئی۔
