بھارتی ریاست اترپردیش کے ضلع بنارس میں اتوار کی شام ایک نجی کمپنی جیل کے ذریعے کینٹ علاقے میں مہاویر مندر چوراہے پر ایل پی جی پائپ لائن میں ہائیڈرو ٹیسٹنگ کے دوران پائپ پھٹنے سے دو افراد معمولی طور پر زخمی ہو گئے ہیں۔
حادثے کی اطلاع ملتے ہی فائر بریگیڈ عملے نے موقع پر پہنچ کر حالات کا جائزہ لیا۔ پولیس انتظامیہ نے کہا کہ جیل کمپنی کے خلاف کارروائی کی جائے گی اور جرمانہ بھی بھی عائد کیا جائے گا۔
معلومات کے مطابق زیر تعمیر ایل پی جی گیس پائپ لائن کی ہائیڈرو ٹیسٹنگ کی جارہی تھی، لیکن اس علاقے میں حفاظتی انتظامات نہیں کئے تھے۔
پائپ پھٹنے کی آواز خوفناک تھی جس سے موقع پر لوگوں کا ہجوم یکجا ہوگیا پولیس انتظامیہ نے پہلے بھیڑ کو منتشر کر صورتحال حال کا جائزہ لیا۔
پولیس نے کمپنی کے لاپرواہی پر کارروائی کرنے کی یقین دہانی کرائی ہے اور کمپنی کے ذمہ دار افسران کی تلاش شروع کردی ہے۔ پولیس نے زخمیوں کو طبی امداد کے لئے اسپتال بھیج دیا ہے۔
اطلاع ملتے ہی فائر بریگیڈ بھی موقع پر پہنچ گئی۔موقع پر چیف فائر آفیسر ابھیشک سنگھ کے علاوہ فائر بریگیڈ سے انیل رائے ، رام سدھیر وغیرہ بھی پہنچ گئے۔
