مسجد انتظامیہ کمیٹی کے جنرل سکریٹری حافظ سید محمد ہاشم الدین نے بتایا کہ گذشتہ روز تھانہ فرش بازار میں ایس ایچ او کے ساتھ میٹنگ ہوئی جس میں انہیں سپریم کورٹ کے حکم کا حوالہ دے کر بتایا گیا کہ فجر کی اذان لاؤڈ اسپیکر سے نہ دیں۔
ایس ایچ او نے انہیں بتایا کہ وائس پلیوشن (آواز کے ذریعہ ماحول میں آلودگی پھیلانا) کے تحت سپریم کورٹ کا حکم ہے کہ رات دس بجے سے صبح چھ بجے تک لاؤڈ اسپیکر کا بالکل استعمال نہ کیا جائے۔
ایس ایچ او نے بتایا کہ کسی این جی او نے صوتی آلودگی کی شکایت کرتے ہوئے مشرقی دہلی کے کئی مساجد پر فجر کی اذان لاؤڈ اسپیکر سے دینے پر پابندی لگانے کا مطالبہ کیا تھا۔ جس کے بعد یہ اقدامات کیے جارہے ہیں۔
ایس ایچ او کے اس حکم کے بعد جھارکھنڈ اور بہاری کالونی کے مسلمانوں میں زبردست تشویش ہے۔
اذان پر پابندی سے مقامی لوگ کافی خوفزدہ ہیں اور فجر کی اذان بغیر لاؤڈ اسپیکر کے دے کر نماز ادا کررہے ہیں۔
کئی نمازیوں نے بتایا کہ فجر میں اذان کی آواز سنائی نہیں دینے کی وجہ سے ان کی نماز قضا ہورہی ہیں۔
مقامی باشندوں کا کہنا ہے کہ آج اذان پر پابندی لگائی گئی ہے کل ہوسکتا ہے کھانے، پینے اور چلنے پر بھی انتظامیہ پابندی لگاسکتی ہے۔
