بی جے پی نے بدھ کے روز بنڈی سنجے کمار کو تلنگانہ بی جے پی کا صدر مقرر کیا ۔ سنجے کمار کریم نگر سے بی جے پی کے رکن پارلیمنٹ ہیں۔ انہوں نے سن 2019 کے لوک سبھا انتخابات میں بی جے پی کے ٹکٹ پر کریم نگر سے کامیابی حاصل کی ہے۔
بنڈی سنجے ایودھیا کارسیوک ہیں جو کریم نگر میونسپل کارپوریشن کے کارپوریٹر بھی رہے ہیں۔ انہوں نے دو مرتبہ رکن اسمبلی کا انتخاب لڑا تھا جس میں انہیں شکست ہوئی تھی۔
بعد وہ انہوں نے پہلی مرتبہ رکن پارلیمنٹ کا انتخاب لڑا جس میں انہیں کامیابی حاصل ہوئی۔
دوسری جانب ایل مرگن کو ریاست تاملناڈو کا صدر مقرر کیا گیا ہے۔ وہ مدارس ہائی کورٹ کے وکیل ہیں۔ تملناڈو بی جے پی کی سابق صدر تاملسائی سوندراجن کو تلنگانہ کا گورنر مقرر کرنے کے بعد سے یہ پوسٹ خالی تھی۔
ایل مرگن ریاست کے دوسری بی جے پی صدر ہیں جو دلت برادری سے تعلق رکھتے ہیں۔
دوسری جانب کانگریس پارٹی نے ڈی کے شیوا کمار کو کرناٹک کانگریس کا صدر مقرر کیا ہے۔
