آرمینیا کے میزائل حملے میں 21 ہلاک: آذربائیجان

آذربائیجان نے بدھ کے روز الزام عائد کیا کہ بردہ ضلع میں آرمینیا کے میزائل حملے میں اس کے کم از کم 21 شہری ہلاک اور 70 سے زائد زخمی ہوگئے ہیں۔

آذربائیجان مقامی میڈیا کے مطابق ملک کے پراسیکیوٹر جنرل کے دفتر نے بتایا کہ یہ میزائل حملہ ایک گنجان آبادی والے علاقے میں ہوا جہاں کاروباری سہولیات واقع ہیں۔

آرمینیا کے میزائل حملے میں 21 ہلاک

آرمینیائی وزارت دفاع کے ترجمان شوشان سٹیپین نے اس الزام کی تردید کی ہے کہ ان کے ملک نے بردہ پر حملہ کیا تھا۔

آرمینیائی خبر رساں آرمین پریس نے اطلاع دی ہے کہ آذربائیجان کی فوج نے بدھ کے روز ناگورنو، کاراباخ علاقے میں سٹیفن کریٹ اور شوشی شہر پر بمباری کی جس سے متعدد شہری ہلاک ہوئے۔

آرمینیا کے میزائل حملے میں اس کے کم از کم 21 شہری ہلاک

اس سے قبل امریکی وزیرخارجہ مائک پومپیو نے منگل کے روز آزربائیجان اور آرمینیا کے اعلیٰ رہنماؤں سے اپیل کی تھی کہ وہ ناگورنو،کرباخ خطے کے بارے میں جنگ بندی پر عمل کریں، جس کا کوئی اثر نہیں ہوا ہے۔

امریکی ثالثی کے بعد بھی دونوں ممالک پیر کے روز انسان دوست جنگ بندی سے متعلق ایک معاہدے پر پہنچے، جس کے فوراً بعد ہی اس معاہدے کی خلاف ورزی کی اطلاعات موصول ہوئی۔