ایودھیا کیس کی حتمی سماعت کے پیش نظر ایودھیا کی ضلع انتظامیہ کی طرف سے نظم و ضبط کے پیش نظر 14 اکتوبر سے 10 دسمبر تک کے لیے دفعہ 144 کا نفاذ کر دیا گیا ہے۔
ڈسٹرکٹ مجسٹریٹ انوج کے جھا نے کہا کہ ایودھیا اور سیاحوں کے حفاظت کے پیش نظر یہ حکم نافذ کیا گیا ہے۔
اسی درمیان 22 اکتوبر کو ایودھیا میں دیپتسو کے لیے تیاریاں جاری ہیں، جبکہ 26 اکتوبر کو اترپردیش کے وزیراعلی یوگی آدتیہ ناتھ ایودھیا میں موجود ہوں گے، یہی وجہ ہے کہ لا اینڈ آرڈر کے حوالے سے 15 اکتوبر کو ایودھیا میں ضلع انتظامیہ کی طرف سے ایک میٹنگ رکھی گئی ہے۔
سپریم کورٹ نے پہلے واضح کر دیا ہے کہ 17 اکتوبر تک اس کیس کی سماعت مکمل کر لی جائے گی۔ اس کے بعد ایک ماہ کے اندر اس کیس کا فیصلہ آنے کی امید کی جارہی ہے۔
چیف جسٹس آف انڈیا جسٹس رنجن گوگوئی کی سربراہی میں سپریم کورٹ کی پانچ رکنی پنچ ایودھیا کیس کی سماعت کر رہی ہے۔ جسٹس رنجن گوگوئی رواں برس 17 نومبر کو سبکدوش ہو رہے ہیں اور امید کی جا رہی ہے کہ اس سے قبل ایودھیا کیس کا فیصلہ آ جائے گا۔
