پی ایم او آفس کے ذریعے اس بات کی اطلاع ٹویٹ کے ذریعے دی گئی، مجلس اتحاد المسلمین کے صدر اسداالدین اویسی نے اس ٹویٹ کے ساتھ بھارتی آئین کا دیباچہ ٹویٹ کیا ہے۔
واضح رہے کہ کاشی مہاکال ایکسپریس میں مندر کے لیے بھی ایک خاص جگہ متعین کی گئی ہے، اس سیٹ کو بھگوان شیو کے لیے خاص کیا گیا ہے، تاکہ مسافرین ٹرین میں بھی پوجا کر سکیں۔
ریلوے ترجمان دیپک کمار نے کہا کہ ' یہ پہلا موقع ہے جب بھگوان شیو کے لئے ٹرین میں کوئی سیٹ مخصوص اور خالی کردی گئی ہے۔ اس سیٹ پر ایک مندر بھی بنایا گیا ہے تاکہ لوگوں کو معلوم ہو کہ یہ نشست مدھیہ پردیش کے اجین کے مہاکال کے لئے ہے۔
مزید پڑھیں: جہد مسلسل سے غریب طالب علم کی بلند پرواز
کمار نے کہا کہ مستقل طور پر ایسا کرنے پر غور کیا جارہا ہے۔ ٹرین جو وارانسی اور اندور کے درمیان ہفتے میں تین بار چلتی ہے، اس ٹرین میں دھیمی آواز میں بھکتی میوزک بھی چلائی جائیگی اور ہر کوچ میں دو نجی گارڈز ہوں گے، اس ٹرین کے تمام مسافروں کو کھانے کے لیے ویج تھالی ہی مہیا کرائی جا ئے گی۔
