امریندر سنگھ نے اپنے ایک ٹویٹ میں کہا کہ' میں عمران خان سے اپیل کرتا ہوں کہ وہ یاتریوں کے لیے مقرہ کردہ 20 ڈالر فیس ختم کرے ، تاکہ یاتری کھلا درشن کر سکے۔ عالمی سکھ برادری اس فیصلے پر آپ کا شکر گزار ہوں گی'۔
واضح رہے کہ پاکستان نے ہر یاتری کے لیے 20 ڈالر کی فیس مقرر کر دی ہے۔
بھارت نے جمعرات کے روز پاکستان کے اس فیس کو نافذ کرنے کے اقدام سے انکار کیا ، اور کہا کہ اسے امید ہے کہ دونوں ممالک کے مابین جلد ہی کرتار پور راہداری کو چلانے کے معاہدے پر دستخط ہوجائیں گی۔
وزارت خارجہ کے ترجمان رویش کمار نے کہا کہ 'بھارت اور پاکستان کرتاپور راہداری پر خدمات فیس کے معاملے کے سوا ایک معاہدہ طے پا چکے ہیں۔'
کرتارپورراہداری پر پاکستان نے معاہدے کا حتمی مسودہ بھارت کو بھیج دیا ہے، معاہدے کے مسودے کے مطابق 5 ہزار یاتری روزانہ کرتارپور آسکتے ہیں، گنجائش ہو تو تعداد پر کوئی پابندی نہیں، بھارت 10 روز پہلے یاتریوں کی فہرست پاکستان کے حوالےکرے گا اور پاکستانی حکام اس فہرست کی تصدیق کریں گے۔
وزیر اعظم نریندر مودی 8 نومبر کو کرتارپور کوریڈور کا افتتاح کریں گے'۔
