انوراگ سریواستو وزارت خارجہ کے نئے ترجمان مقرر ہوں گے

وزارت داخلہ نے ایک اہم فیصلہ لیتے ہوئے وزارت خارجہ کے موجودہ ترجمان رویش کمار کی جگہ انوراگ سریواستو کو ترجمان بنائے جانے کا فیصلہ کیا ہے۔ سریواستو فی الحال افریقن یونین کے ملک ایتھوپیا میں بھارتی سفیر کے طور پر اپنی خدمات انجام دے رہے ہیں۔

ایتھوپیا میں سفیر کا چارج سنبھالنے سے قبل انوراگ سریواستو وزارت خارجہ کے فائنانس ڈویژن کے سربراہ بھی رہ چکے ہیں۔

سریواستو نے کولمبو میں واقع انڈین ہائی کمیشن کی سیاسی ونگ کی بھی سربراہی کا اعزاز انھیں حاصل ہے۔

واضح رہے کہ انڈین فارین سرسیز 1999 بیچ کے انوراگ سریواستو کا وزارت داخلہ کے ترجمان کے طور پر تقرر جلد ہی عمل میں آسکتا ہے۔