خیال رہے کہ 15 دسمبر کو وزیراعظم نریندر مودی نے جھارکھنڈ اسمبلی انتخابات کے دوران دمکا میں ریلی سے خطاب کرتے ہوئے سی اے اے کے خلاف احتجاج کرنے والوں کے تعلق سے کہا تھا کہ تشدد پھیلانے والوں کی کپڑوں سے ہی پہچان ہوجاتی ہے اور آگزنی کرنے والے کون ہیں یہ سمجھا جا سکتا ہے۔'
اس موقعے پر وزیراعظم نے کانگریس پر طنز کرتے ہوئے کہا تھا کہ' پورا ملک دیکھ رہا ہے اور انہیں یہ یقین ہو رہا ہے کہ بی جے پی نے یہ قانون بنا کر ملک کو بھی بچالیا'۔
جس پر اپوزیشن سمیت ملک کے دانشوار طبقے نے وزیراعظم مودی کے بیان پر شدید ردعمل کا اظہار کیا تھا'۔
اس سلسلے میں بالی وڈ کے ہدایت کار انوراگ کشیپ نے وزیر اعظم کے بیان پر طنز کرتے ہوئے ٹوئٹر پر لکھا کہ ' وزیر اعظم صحیح کہتے ہیں کہ دہشت گردوں کو اس کے کپڑوں سے پہچانا جا سکتا ہے، دہشت گرد کا رنگ خاکی ہے'۔
انہوں نے مزید ایک ٹوئٹ میں لکھا کہ' اگر پولیس اپنے لباس میں غنڈہ گردی نہیں کر رہی ہے اور صرف تشدد پھیلانے والوں کو روک رہی ہے تو پھر پریس والوں کو جائے واردات سے کیوں بھگایا جارہا ہے، یا صحافیوں کو روکنا یا ان کی گرفتاریاں کیوں کی جاری ہے؟ سچ تو یہ ہے کہ پولیس خود دہشت گردی اور افراتفری پھیلا رہی ہے، سرکار کی شاہ اور ان کے حکم پر'۔
واضح رہے کہ انوراگ کشیپ بالی وڈ کے ان ستاروں میں سے ہیں جو سماجی مسائل پر کھل کر اپنے خیالات کا اظہار کرتے ہیں، اسی وجہ سے انہیں سوشل میڈیا پر بھی ٹرول کا سامنا کرنا پڑتا ہے۔
