ذرائع کا کہنا ہے کہ بھارت اور چین کے مابین سرحدی امور کے بارے میں مشاورت اور رابطہ کاری کے لئے ورکنگ میکانزم (ڈبلیو ایم سی سی) کی آج پھر ورچوئل میٹنگ ہوگی۔
بھارتی فوج کے ذرائع کے مطابق 'بھارت اور چین کی فوجیوں کے مابین پیٹرولنگ پوائنٹ 15 سے متعلق پہلے ہی بات چیت ہوچکی ہے۔ جس کے بعد چینی فوج تقریبا دو کلومیٹر پیچھے ہٹ گئی'۔
ذرائع کے مطابق آج کی ورچوئل میٹنگ میں بھارت اور چین مل کر اس بات پر اتفاق کریں گے کہ امن و امان کی مکمل بحالی ضروری ہے۔ اس دوران بھارت اور چین سرحد لائن آف ایکچوول کنٹرول (ایل اے سی) پر بھی بات ہوگی۔
بتادیں کہ قومی سلامتی کے مشیر اجیت ڈووال اور چین کے کونسلر اور وزیر برائے امور خارجہ وانگ یی نے گزشتہ اتوار کے روز ٹیلی فون پر گفتگو کی تھی۔
انہوں نے ایک بار پھر تصدیق کی کہ فریقین ایل اے سی کا سختی سے احترام کریں۔
آرمی ذرائع نے بتایا کہ بھارتی فوج احتیاط کے ساتھ صورتحال پر مسلسل نگرانی کر رہی ہے۔
