ایودھیا تنازع: سپریم کورٹ کے فیصلے اور آئینی اخلاقیات پر تبادلہ خیال

ممتاز سماجی تنظیم انہد اور کاروان محبت کی طرف سے جاری بیان میں کہا گیا ہے کہ رام جنم بھومی - بابری مسجد اراضی تنازع پر سپریم کورٹ کے حالیہ فیصلے نے انصاف، مساوات اور آئینی اقدار پر یقین رکھنے والے تمام لوگوں کو گہری تشویش میں مبتلا کردیا ہے۔

غیرسرکاری تنظیم انہد اور کاروان محبت نے ایودھیا مقدمہ میں سپریم کورٹ کے فیصلے اور آئینی اخلاقیات کے موضوع پر بحث کے لئے 6 دسمبر 2019 کو کانسٹیوشن کلب کے ڈپٹی چیئرمین ہال میں ایک پبلک میٹنگ کا اہتمام کیا ہے۔

اطلاع کے مطابق انہد کی طرف سے جاری بیان میں کہا گیا ہے کہ اس فیصلے نےانصاف، مساوات اور آئینی اقدار پر یقین رکھنے والے تمام لوگوں کو گہری تشویش میں مبتلا کردیا ہے۔

بیان کے مطابق اس میٹنگ میں سرکردہ صحافی اور سماجی کارکن اپنے خیالات کا اظہار کریں گے اور آئندہ کے لائحہ عمل پر غور کریں گے۔

مقررین میں عارفہ خانم شیروانی، بھاشا سنگھ، فرح نقوی، ہرش مندھر، ہرتوش سنگھ بل، شبنم ہاشمی، سیدہ حمید، ایس وائی قریشی، ارملیش اور گوہر رضا شامل ہیں۔