انہوں نے کہا کہ ریاست میں ہر روز 50ہزار سے زائد ٹسٹ کروائے جارہے ہیں۔ انہوں نے کووڈ 19 وبا کو روکنے کے سلسلہ میں عہدیداروں اور کلکٹرس کے رول کی ستائش کی اور کہا کہ اگرچہ کہ ریاست میں ایک لاکھ سے زائد معاملات درج کئے گئے ہیں تاہم ان میں سے نصف تعداد روبہ صحت ہوگئی ہے۔
کورونا سے اموات کی شرح ملک میں 2.5فیصد ہے جبکہ ریاست میں یہ شرح صرف 1.06فیصد ہی درج کی گئی ہے۔انہوں نے کہاکہ کورونا کے 85فیصد سے زائد مریض گھروں میں ہی روبہ صحت ہوگئے ہیں۔انہوں نے کہاکہ کورونا کے علاج اوراحتیاط کے بارے میں بیداری لانے کی ضرورت ہے۔
ہر گاوں اور وارڈ سکریٹریٹ میں پوسٹرس لگائے جانے چاہئے۔عہدیداروں کو چاہئے کہ وہ کال سنٹرس کی کارکردگی پر مسلسل نظررکھے۔ہم کورونا کے مریضوں پر گھروں میں ہی نظر رکھیں گے۔ڈاکٹرس کو چاہئے کہ ان کی صحت پر وقتا فوقتا نظر رکھیں۔
