ریاست کرناٹک کے محکمہ صحت کے مطابق 'ضلع گلبرگہ میں کورونا وائرس کے متاثرین کی تعداد مسلسل بڑھتی ہی جارہی ہے'۔
اسی تناظر میں گلبرگہ کی ایس پی ڈاکٹر سیمی مریم جارج نے 22 اگست کو سادگی کے ساتھ گنیش تہوار منانے کی اپیل کی ہے۔
ضلع پولیس سپرنٹنڈنٹ نے گنیش تہوار کے موقع پر عوام سے حکومت کے قوانین پر لازمی طور پر عمل کر نے کی اپیل کی ہے۔
ڈاکٹر سیمی مریم جارج نے کہا ہے کہ 'شری گنیش چتورتھی تہوار سادگی کے ساتھ اور پوری عقیدت واحترام سے منایں۔ سرکاری، خانگی، عوامی مقامات پر کم سے کم تعداد میں لوگ جمع ہو'۔
انھوں نے کہا ہے کہ 'عوامی مقامات پر گنیش کی مورتیاں ایستارہ کر نے والے گنش کی مورتی صرف چار فٹ بلند ہوں۔ اس سے زیادہ نہ ہو اور گھروں میں دو فٹ سے زیادہ بلند مورتی نہ رکھیں'۔
- مزید پڑھیں: گلبرگہ یونیورسٹی میں لڑائی کا ایک ویڈیو وائرل
انھوں نے مزید کہا ہے کہ 20 افراد سے زاہد جمع نہ ہو ۔ اس دوران سماجی فاصلہ کو برقرار رکھنے کے لئے ہدایت دی گئی ہے۔
