سکم میں ترمیم شدہ قانون پر عمل درآمد نہیں کیا جائے گا: وزیر اعلی پریم سنگھ تمانگ

وزیر اعلی پریم سنگھ تمانگ نے کہا ہے کہ  اس ایکٹ کو سکم میں نافذ نہیں کیا جائے گا جب تک کہ ریاستی اسمبلی سے اس کی منظوری نہیں مل جاتی ہے ، ریاست میں حزب اختلاف کی جماعتیں اس معاملے پر لوگوں کو "گمراہ" کررہی ہیں۔

سکم کے وزیر اعلی پریم سنگھ تمانگ نے پیر کو کہا کہ ریاست میں شہریت کے قانون پر عمل درآمد نہیں کیا جائے گا کیونکہ اسے آئین کے آرٹیکل 371 (ایف) کے تحت خصوصی حیثیت حاصل ہے۔

تمنگ نے اپوزیشن کی طرف اشارہ کرتے ہوئے کہا ، "مفاد کے حامل کچھ لوگ سکم میں لوگوں کو ترمیم شدہ شہریت قانون پر گمراہ کررہے ہیں۔ اس کا ریاست میں کوئی اثر نہیں پڑے گا۔"

تمانگ نے کہا ، "ہمیں مرکزی وزیر داخلہ امت شاہ نے پہلے ہی یہ یقین دہانی کرائی ہے کہ سکم میں ترمیم شدہ شہریت ایکٹ نافذ نہیں ہوگا کیونکہ آئین کے آرٹیکل 371 (ایف) کے تحت ریاست کو خصوصی حیثیت حاصل ہے۔"