بھارت میں فورین مشن کے سربراہوں نے پنجاب کے امرتسر میں واقع گولڈن ٹیمپل کا دورہ کیا۔
گرونانک دیو کی 550 ویں سالگرہ کے جشن میں یہ وفد شرکت کرے گا۔
یہ وفد یہاں پر مختلف ثقافتی پروگرامز میں شرکت کرے گا۔
گولڈن ٹیمپل کا دورہ
بھارت میں آسٹریلیائی ہائی کمشنر ہرندر سدھو جو اس وفد کا حصہ ہیں، نے کہا کہ 'یہ ایک 'بہترین تجربہ' ہے اور انہیں ایک آسٹریلیائی سکھ ہونے پر فخر ہے۔'
انہوں نے کہا کہ 'یہ انتہائی اہم دورہ ہے جس میں دنیا بھر کے سفارتکار شامل ہیں۔ میں سمجھتی ہوں کہ یہ ایک اچھی بات ہے اور وہ بھی ایسے وقت میں جب دیوالی کا تہوار اور گرو نانک جی کی 550 ویں سالگرہ کا جشن قریب ہے۔'
انہوں نے کہا کہ 'اس دورے کے لیے ہر ممکن تعاون کرنے کے لیے میں ہردیپ سنگھ پوری کا شکریہ ادا کرتی ہوں۔'
انہوں نے کہا کہ 'ایک آسٹریلیا نژاد سکھ ہونے کی وجہ سے یہ دورہ میرے لیے بہت خاص ہے۔'
