بھارتی ریلوے 12 مئی سے ملک کے 15 مختلف مقامات پر نئی دہلی سے ٹرینوں کی نقل و حرکت شروع کر رہی ہے۔
ٹرینوں کے نقل وحرکت کے تعلق سے شمالی ریلوے کے دہلی ڈویژن نے اسٹیشن پر تمام انتظامات مکمل کرلیے ہیں۔
اسپیشل ٹرینوں میں صرف ویلڈ ٹکٹ والے پسنجر کو ہی انٹری ملے گی۔ سب کو تھرمل اسکریننگ سے گزرنا ہوگا۔ ایسمپٹومیٹک یعنی بغیر جراثیم والے مسافروں کو ہی ٹرین میں بیٹھنے دیا جائے گا۔ شروع میں ریلوے نے 15 جوڑی اسپیشل ٹرین چلانے کا فیصلہ کیا ہے۔ یہ ٹرین ملک کے الگ الگ مقامات کو نئی دہلی سے جوڑے گی۔
بھارتی ریلوے نے ان 15 ٹرینوں میں بکنگ صرف آئی آر سی ٹی ( IRCTC ) کی ویب سائٹ www.irctc.co.in یا موبائل ایپ کے ذریعہ ہی ہوگی۔ صرف سات دن ایڈوانس میں ٹکٹ بک کرپائیں گے۔ نارمل دنوں میں 60 سے 120 دن کا ایڈوانس ریزرویشن ٹائم ملتا ہے۔ ان ٹرینوں کی ساری سیٹیں کنفرم ہوں گی۔ یعنی کورئی RACیا ویٹنگ ٹکٹ جاری نہیں کیا جائے گا۔ پسنجرس کو ٹرین روانہ ہونے کے وقت سے 90 منٹ پہلے اسٹیشن پہنچنے کو کہا گیا ہے۔
موصولہ اطلاع کے مطابق کنفرم شدہ ٹکٹوں والے تمام مسافروں کو پہاڑ گنج سے داخلہ دینے کا فیصلہ کیا گیا ہے، اس کے ساتھ ساتھ حفاظت اور سہولت کو مدنظر رکھتے ہوئے اقدامات کیے گئے ہیں۔
شمالی ریلوے کے چیف تعلقات عامہ کے افسر دیپک کمار نے کہا کہ کورونا وبا کے تناظر میں بھارتی ریلوے اسٹیشن آنے والے تمام مسافروں کی حفاظت کا سب سے زیادہ خیال رکھے گا۔
ایسی صورتحال میں لوگوں کو پہاڑ گنج کی طرف انٹری سے پلیٹ فارم نمبر ون کی طرف جانے والے اسٹیشن میں داخلے کی اجازت ہوگی۔
انہوں نے بتایا کہ کل کے پہلے دن تمام انتظامات کا جائزہ لیتے ہوئے ان میں مزید بہتری لائی جائے گی، کمار نے بتایا کہ اسٹیشن کے احاطے میں داخلے سے قبل تمام مسافروں کی اسکریننگ کی جائے گی اور مسافروں کے لیے اسٹیشن پر بنائے گئے سرکل میں چلنے اور ٹھہرنے کی اجازت ہوگی۔ فیصلہ کیا گیا ہے کہ کل تمام گاڑیاں پلیٹ فارم نمبر 1 یا 3 سے چلائی جائیں گی۔
ایسی صورتحال میں میڈیا اور سفر نہ کرنے والوں کو اسٹیشن کے احاطے میں داخل ہونے کی اجازت نہیں ہوگی۔
انہوں نے بتایا کہ آئی آر سی ٹی سی پر ٹرین کی ٹکٹوں کی بکنگ شروع ہوگئی ہے۔
