بہار میں گیا شہر کے کریم گنج میں نوجوان اکھاڑا کمیٹی کے زیر اہتمام محرم کی گیارہویں تاریخ کو اکھاڑا جلوس نکالا گیا۔
گیارہویں محرم کو اکھاڑا جلوس
اس موقع پر روایتی کھیل اور اس سے متعلق مقابلوں کا مظاہرہ کیا گیا۔ اکھاڑے میں بینڈ باجے کی دھن پر نوجوانوں نے لاٹھی ڈنڈوں اور تلواروں سے اپنے فن کامظاہرہ کیا۔
کریم گنج محلے سے نوجوان اکھاڑا کمیٹی نے سنہ 1956 سے اکھاڑا نکالنے کی ابتدا کی تھی۔ حسب روایت اس بار بھی جوش و خروش کے ساتھ اکھاڑا نکالا گیا۔
کریم گنج سے نکالے جانے والے اکھاڑے سے قبل ایک پروگرام کاانعقاد ہواجس کا آغاز وندے ماترم سے ہوا۔
ڈپٹی میئر موہن شریواستو نے روایتی کھیل 'گدکا' کھیل کر اکھاڑے کا آغاز کیا۔
انہوں نے کہا کہ اس موقع پر باہمی ہم آہنگی دیکھنے کو ملتی ہے۔ یہ ایک بہترین مثال ہے کہ ہندو مسلم باہمی تعاون کے ساتھ مل کر پر امن طریقے سے پروگرام کو تشکیل دیتے ہیں۔
