خواجہ غریب نواز کی درگاہ میں ملک کی سلامتی کے لیے دعا

راجستھان کے شہر اجمیر میں واقع حضرت خواجہ معین الدین حسن چشتیؒ کی درگاہ میں آج ماہانہ چھٹی شریف کی رسم ادا کی گئی، اس موقع پر ملک بھر سے کثیر تعداد میں عقیدت مندوں نے شرکت کی اور ملک کی سلامتی کی دعا مانگی۔

سلطان الہند عطأ رسول حضرت خواجہ غریب نواز کی بارگاہ میں ماہانہ چھٹی شریف کی فاتحہ میں چشتیہ شجرہ پڑھا گیا اس موقع پر اجتماعی فریاد کی تقریب بھی منعقد کی گئی۔

درگاہ کے عطانور میں ماہانہ چھٹی شریف کی فاتحہ اور دعائے خیر کا انعقاد خدامِ خواجہ کی انجمن کی جانب سے کیا گیا جہاں ہزاروں زائرین نے شرکت کی اور اپنی زندگی میں کامیابی اور خوشیوں کی دعا کی۔

ماہانہ چھٹی شریف کی تقریب میں موجودہ حالات کا ذکر کرتے ہوئے امت رسول صلی اللہ علیہ وسلم کی سلامتی کے لیے بھی دعا کی گئی۔