اس دوران تین بار فائرنگ کے واقعات پیش آئے جس میں جامعہ ملیہ اسلامیہ نئی دہلی کا ایک طالب شاداب فاروق بھی زخمی ہوا۔
مسلسل تین بار فائرنگ کے واقعات کے بعد جامعہ کے طلبا اور مقامی افراد ناراض نظر آ رہے ہیں۔
طلبا نے پولیس کے سکیورٹی انتظامات پر سوالات اٹھائے ہیں۔ ان کا خیال ہے کہ دہلی پولیس کی تعیناتی کے باوجود یہاں بار بار فائرنگ کی وارداتیں ہو رہی ہیں۔
گذشتہ پانچ دنوں میں دو بار فائرنگ کی وجہ سے ، ماحول میں تناؤ واضح طور پر نظر آتا ہے۔
جامعہ کے طلبا مظاہرے میں شامل ہونے سے قبل خود کو رضاکارانہ طور پر چیک کررہے ہیں ۔
جہاں ایک طرف مرد چیکنگ کررہے ہیں ، وہیں دوسری طرف خواتین رضاکار مظاہرے میں شامل ہونے جارہی ہیں جنہیں خواتین اور لڑکیاں چیک کررہی ہیں۔
چیکنگ کے دوران ، والنٹرنگ کرنے والی خاتون نے بتایا کہ ہمیں یہاں بار بار فائرنگ کے بعد چیکنگ کیا جا رہا ہے، یہ حفاظت کے پیش نظر بہت اہم ہے، خواتین کو چیکنگ کے بعد ہی اندر آنے کی اجازت ہے۔اپنی حفاظت کے پیش نظر یہ سب کیا جارہا ہے۔
