مغربی بنگال کانگریس کے چیف ادھیر رنجن چودھری نے کہا کہ ترنمول کانگریس میں جن رہنماؤں کو مشکلات کا سامنا ہے وہ کانگریس میں واپس آسکتے ہیں۔
وزیر مملکت اور ترنمول کانگریس کے سینئر رہنما سویندو ادھیکاری مشرقی اور مغربی میدنا پور اضلاع میں پارٹی کے بینر کے بغیر عوامی جلسہ کررہے ہیں، جس کے بعد ادھیر رنجن چودھری کا کا تبصرہ سامنے آیا ہے۔
چودھری کا یہ تبصرہ اس لیے اہم ہے کہ بنگال کے اقتدار سے طویل عرصے سے دور رہنے والی کانگریس ریاست میں 2021 میں ہونے والے اسمبلی انتخابات کی تیاری کر رہی ہے۔
مغربی بنگال کانگریس کے آفیشل ٹویٹر پیج پر چودھری نے یاد دلایا کہ ترنمول کانگریس کی پیدائش کانگریس پارٹی سے ہوا ہے۔
لوک سبھا میں کانگریس پارلیمانی پارٹی کے رہنما ادھیر رنجن چودھری نے کہا کہ ترنمول کی کوئی سیاسی شناخت نہیں ہے، اگر کسی کو ترنمول میں پریشانی کا سامنا کرنا پڑ رہا ہے تو کانگریس پارٹی کے دروازے اس کے لیے کھلے ہیں۔
