عالمی یوم یوگا کے موقع پر وزیراعظم نریندر مودی نے اپنے خطاب کے دوران کہا کہ یوگا کرنے والا ہمیشہ مستعد رہتا ہے اور پریشانی میں کبھی گھبراتا نہیں ہے۔
انہوں نے اس موقع پر عوام کو مبارک باد دیتے ہوئے کہا کہ یوم یوگا اتحاد کا دن ہے اور ہمیں آپس میں اتحاد قائم رکھنا چاہیے۔
- پی ایم مودی نے کہا کہ ایک ذمہ دار شہری کے طور پر ہم اپنے خاندان اور سماج کی شکل میں متحد ہوکر آگے بڑھیں گے۔ ہم کوشش کریں گے ' گھر پر یوگا اور اہلخانہ کے ساتھ یوگا' کو اپنی زندگی کا حصہ بنائیں گے۔
- اس موقع پر انہوں نے کہا کہ سوامی وویکانند نے کہا تھا 'ایک اچھا انسان وہ ہے جو ناموزوں حالات میں بھی اپنے آپ کو سنبھال کر رکھتا ہے اور انتہائی تیز رفتار زندگی میں بھی بڑے سکون سے رہتا ہے یہ کسی بھی شخص کی ایک بہت بڑی طاقت ہے'۔
- آپ ورزش کو اپنے روزانہ کے معمولات میں شامل کر لیجیے اور 'انولوم وِلوم' کے ساتھ ساتھ ورزش کی دوسری ٹیکنک کو بھی سیکھیے۔
- انہوں نے کہا کہ کووڈ-19 وبأ خاص طور پر ہمارے اعضائے تنفس پر اثر انداز ہوتا ہے ہمارے اعضائے تنفس کو مظبوط کرنے کے لیے سانس لینے کے ورزش سب سے زیادہ مفید ہے۔
- بچے، بڑے، نوجوان اور بزرگ سبھی ایک ساتھ یوگا کے ساتھ جڑتے ہیں۔
واضح رہے کہ عالمی یوم یوگا پہلی بار 21 جون سنہ 2015 کو منایا گیا تھا اور تب سے ہر برس اسی دن کو عالمی یوم یوگا منایا جاتا ہے لیکن رواں برس کورونا وائرس وبأ کے باعث اسے ڈیجیٹل طریقے سے منایا جارہا ہے۔
