درگاہ اجمیر میں زائرین کی عدم موجودگی سے سناٹا

انجمن خدام درگاہ اجمیر کے صدر سید معین حسین چشتی نے ای ٹی بھارت اردو سے بات کرتے ہوئے کہا ہے کہ 'مذہبی مقامات اور درگاہوں میں حاضری کی اجازت تو دے دی گئی ہے، لیکن حمل و نقل کی سہولیات نہ ہونے کی وجہ سے اب بھی زائرین نہیں آرہے ہیں'۔

اجمیر شریف درگاہ عام زائرین کے لیے کھولے جانے کے باوجود ابھی بھی درگاہ میں سناٹا چھایا ہوا ہے۔ ایسے میں خادموں کی انجمن نے زائرین اور مقامی باشندوں کو پیش آرہی دشواریوں کے سبب راجستھان کی وزیر اعلی اشوک گہلوت کو خط لکھا ہے۔

انجمن خدام درگاہ اجمیر کے صدر سید معین حسین چشتی نے ای ٹی بھارت اردو سے بات کرتے ہوئے کہا ہے کہ 'مذہبی مقامات اور درگاہوں میں حاضری کی اجازت تو دی دی گئی ہے، لیکن حمل و نقل کی سہولیات نہ ہونے کی وجہ سے اب بھی زائرین نہیں آرہے ہیں'۔

واضح رہے کہ کورونا وائرس (کووڈ-19) کی وبا اور لاک ڈاؤن کی وجہ سے مقامی باشندوں کے سامنے روزی روٹی کا سوال کھڑا ہوگیا ہے۔

درگاہ کے دکان داروں اور خادموں کو امید تھی کی درگاہ کھل جانے کے بعد ان کی مالی حالت درست ہو جائے گی لیکن ایسا نہیں ہوا۔ اس کی وجہ مذہبی مقامات پر راجستھان حکومت کی پابندی عائد کر دینا ہے۔


درگاہ اجمیر کے خادم حاجی سید بددو نانا چشتی نے بتایا ہے کہ 'زائرین کے نہ آنے سے درگاہ میں سناٹا ہے'۔

ایک طرف راجھستان حکومت تو دوسری جانب درگاہ کمیٹی نے کورونا گائڈ لائن کے ضمن میں حفاظتی تدابیر کی اپیل کی ہے۔

اس کے علاوہ تبرکات و چادر پوشی پر تاحال پابندی ہے۔