ونگ کمانڈر ابھینندن وردھمان کے 51 اسکواڈرن گروپ کو فضائیہ کی طرف سے اعزاز دیا جائے گا۔ ان کو یہ ایوارڈ 27 فروری کو پاکستانی فضائی حملے کو ناکام بنانے اور ایک پاکستانی ایف 16 جنگی طیارہ کو مار گرانے کے لیے دیا جائے گا۔ یہ ایوارڈ کمانڈنگ افسر اور گروپ کیپٹن ستیش پوار کے ذریعہ وصول کیا جائے گا۔
دوسری جانب اسکواڈرن لیڈر منٹی اگروال کی 601 سنگل گروپ کو بالاکوٹ فضائی حملوں میں اہم کردار ادا کرنے اور 27 فروری کو پاکستان کی طرف سے کیے جانے والے فضائی حملے کو ناکام بنانے کے لیے اس یونٹ کو یہ ایوارڈ دیا جائے گا۔
جانکاری کے مطابق بالاکوٹ ایئر اسٹرائیک میں شامل نمبر 9 اسکواڈرن کو بھی اعزاز سے نوازا جائے گا۔ میراج 2000 جنگی طیاروں سے 26 فروری کو 'آپریشن بندر' کے دوران بالاکوٹ پر فضائی حملہ کیا گیا تھا۔
