بھارت میں کورونا کے 97.67 لاکھ معاملات درج

ملک میں گزشتہ 24 گھنٹوں کے دوران کورونا وائرس کے 31521 نئے کیسز سامنے آئے ہیں۔

ملک میں کورونا انفیکشن کے معاملے ایک دن میں بڑھنے کے بعد اس میں ایک بار پھر کمی واقع ہوئی ہے اور صحتمند افراد کی تعداد میں مسلسل اضافے کی وجہ سے فعال معاملے پونے چار لاکھ سے نیچے آگئے ہیں۔

منگل کے روز کورونا کیسز کی تعداد 26567 تھی اور بدھ کے روز 32080 ہوگئی لیکن جمعرات کے روز یہ معمولی طور پر کم ہوئی اور 32 ہزار سے کم ہوگئی۔ صحت اور خاندانی بہبود کی وزارت کے جاری کردہ اعداد و شمار کے مطابق گزشتہ 24 گھنٹوں کے دوران 31521 نئے کیسز سامنے آئے جن میں انفیکشن کی کل تعداد 97.67 لاکھ ہوگئی۔ اس عرصے کے دوران 37725 مریضوں کی بازیابی کی وجہ سے کورونا کو شکست دینے والوں کی تعداد بڑھ کر 92.53 لاکھ ہوگئی ہے اور فعال معاملات کی تعداد 6616 سے کم ہو کر 3.72 لاکھ ہوگئی ہے۔ اسی عرصے میں 412 مریضوں کی ہلاکت کے ساتھ اموات کی تعداد بڑھ کر 1،41،772 ہوگئی ہے۔ملک میں کورونا کیسز کی بازیابی کی شرح بڑھ کر 94.74 ہوگئی ہے اور فعال کیسز کی شرح کم ہو کر 3.81 فیصد رہ گئی ہے جبکہ اموات کی شرح اب بھی 1.45 فیصد ہے۔ مہاراشٹر میں پچھلے 24 گھنٹوں کے دوران سب سے زیادہ 5051 مریض صحتمند ہوگئے جبکہ یہاں اس بیماری سے مرنے والے زیادہ سے زیادہ افراد کی تعداد 75 ہے۔ ریاست میں اب 74،315 زیر علاج مریض ہیں۔ ہلاکتوں کی تعداد بڑھ کر 47،902 ہوگئی ہے جبکہ اب تک 17.42 لاکھ سے زیادہ افراد نے کورونا کو شکست دی ہے۔کیرالہ میں صحت مند مریضوں کی تعداد بڑھ کر 5.86 لاکھ سے زیادہ ہوگئی ہے اور فعال معاملات کی تعداد 193 میں بڑھ کر 60،066 ہوگئی ہے جبکہ 2507 افراد لقمہ اجل بن چکے ہیں۔

مختلف ریاستوں میں کورونا وائرس

گذشتہ 24 گھنٹوں کے دوران قومی دارالحکومت دہلی میں سرگرم معاملوں کی تعداد 1764 سے کم ہو کر 20،546 ہوگئی۔ اب تک یہاں 9813 افراد اپنی جانوں سے ہاتھ دھو بیٹھے ہیں جبکہ 5.69 لاکھ سے زیادہ مریض صحت مند ہوچکے ہیں۔جنوبی ریاست کرناٹک میں کورونا کے فعال مریضوں کی تعداد 1959 میں کم ہو کر 23،075 ہوگئی ہے۔ ریاست میں اموات کی تعداد 11،900 تک جا پہنچی ہے اور اب تک 8.61 لاکھ سے زیادہ افراد بازیاب ہوچکے ہیں۔

آندھرا پردیش میں اس عرصے کے دوران فعال مریضوں کی تعداد 170 سے گھٹ کر 5259 ہوگئی۔ ریاست میں ابھی تک 7045 افراد کی موت واقع ہوئی ہے اور 8.61 لاکھ سے زیادہ افراد انفیکشن سے پاک ہوچکے ہیں۔

آبادی کے لحاظ سے ملک کی سب سے بڑی ریاست اتر پردیش میں سرگرم معاملات 716 کم ہوکر 20،658 رہ گئے ہیں اور اس وبا کی وجہ سے 7987 افراد ہلاک ہوگئے ہیں۔ ریاست میں اب تک تقریباً 5.30 لاکھ مریض صحت یاب ہوچکے ہیں۔

تمل ناڈو میں سرگرم معاملوں کی تعداد 10،491 ہوگئی ہے اور اب تک 11،836 افراد لقمہ اجل بن چکے ہیں۔ ریاست میں اب تک 7.71 لاکھ سے زیادہ افراد انفیکشن سے صحت یاب ہوچکے ہیں۔ اوڈیشہ میں فعال مریضوں کی تعداد 3098 ہوگئی ہے اور 1789 افراد ہلاک ہوگئے ہیں جبکہ بیماری سے پاک مریضوں کی تعداد 3.17 لاکھ سے تجاوز کرچکی ہے۔

تلنگانہ میں کورونا کے فعال معاملے 7497 پر آگئے ہیں اور 1482 افراد لقمہ اجل بن چکے ہیں جبکہ اس وبا سے 2.66 لاکھ سے زائد افراد بازیاب ہوئے ہیں۔

مغربی بنگال میں کورونا کے سرگرم معاملات کم ہوکر 23،650 رہ گئے ہیں اور 8867 افراد ہلاک ہوگئے ہیں۔ ریاست میں اب تک 4.78 لاکھ سے زیادہ افراد بازیاب ہوئے ہیں۔

پنجاب میں زیرعلاج مریضوں کی تعداد معمولی اضافے کے ساتھ بڑھ کر 7325 ہوگئی ہے اور انفیکشن سے راحت حاصل کرنے والے افراد کی تعداد 1.45 لاکھ سے زیادہ ہوگئی ہے جبکہ اب تک 4980 افراد ہلاک ہوچکے ہیں۔

مدھیہ پردیش میں فعال معاملات کی تعداد 13،221 ہوگئی ہے اور اب تک دو لاکھ سے زیادہ افراد صحت مند ہوچکے ہیں جبکہ اس بیماری کی وجہ سے 3366 افراد لقمہ اجل بن چکے ہیں۔

چھتیس گڑھ میں زیرعلاج مریضوں کی تعداد 262 بڑھ کر 19،778 ہوگئی ہے اور 2.28 لاکھ افراد صحت یاب ہوگئے ہیں جبکہ 3038 مریضوں کی موت ہوگئی ہے۔

گجرات میں 14،027 فعال معاملے ہیں اور 4123 افراد ہلاک ہوچکے ہیں اور دو لاکھ سے زیادہ افراد بھی اس مرض سے بازیاب ہوئے ہیں۔

بہار میں 5354 سرگرم معاملے ہیں۔ ریاست میں کرونا کی وجہ سے 1303 افراد لقمہ اجل بن چکے ہیں جبکہ 2.33 لاکھ سے زیادہ افراد انفیکشن سے صحت یاب ہوچکے ہیں۔

ابھی تک کورونا کی وبا سے ہریانہ میں 2650، راجستھان میں 2485، جموں وکشمیر میں 1767، اتراکھنڈ میں 1320، آسام میں 998، جھارکھنڈ میں 991، ہماچل پردیش میں 765، گوا میں 703، پڈوچیری میں 615، تریپورہ میں 373، منی پور میں 318، چنڈی گڑھ میں 297، لداخ میں 122، میگھالیہ میں 122، سکم میں 117، ناگالینڈ میں 67، انڈمان اور نیکوبار جزیرے میں 61، اروناچل پردیش میں 55 اور دادار نگر حویلی اور دمن دیو میں دو اموات ہوئی ہیں۔

(یو این آئی)